Sajjad Ki Ay Sada Lyrics - Farhan Ali Waris

This website is for sale — Interested? Learn more →

Sajjad Ki Ay Sada Lyrics in Urdu

سجادؑ پہ اِس وقت قیامت گھڑی ہے
زینب دیارِ شام میں سَر ننگے کھڑی ہے

سجادؑ کی آئی صدا کیسا ستم یہ ہو گیا
یا رب دیارِ غیر میں بنتِ علیؑ ہیں بے ردا

نا محراموں کی بھیڑ میں کونین کی شہزادیاں
اِس درد سے روتا ہوں میں قیدی بنی سیدانیاں
یہ دِل سکوں نہ پائیگا یہ غم مجھے کھا جائیگا
یا رب دیارِ غیر میں بنتِ علیؑ ہیں بے ردا

کیسے سجے ہیں بام و دَر کس ظلم کی تجدید ہے
قیدی ہے آلِ مُصطفؐیٰ اُن شامیوں کی عید ہے
کیوں سخت ہو دِل پر بھلا یہ درد ہے سب سے بڑا
یا رب دیارِ غیر میں بنتِ علیؑ ہیں بے ردا

سَر زینب و كلثوم کا آیا اُسے جس دم نظر
اک باوفا غیور کا ٹھہرا نہیں نیزے پہ سر
سَر خاک پر اُسکا گِرا کرتا ہُوا بس یہ بُکا
یا رب دیارِ غیر میں بنتِ علیؑ ہیں بے ردا

پانی کبھی مانگا نہیں تِشنہ لبوں كے واستے
چادر طلب کرتا ہوں میں ان بیبیوں كے واستے
تاریکیوں میں دن چھپا آندھی چلا اور خاک اُڑا
یا رب دیارِ غیر میں بنتِ علیؑ ہیں بے ردا

جن کو چھوڑایا قید سے میری پھوپھی میں بارِہا
قیدی بناکر لائے ہیں وہ لوگ ہی یہ ہے جفا
کیا وقت ہَم پر آ گیا احسان کا ہے یہ صِلہ
یا رب دیارِ غیر میں بنتِ علیؑ ہیں بے ردا

اِک درد کی برچھی سی ہے اِس قلب میں ٹوٹی ہوئی
اُمت بھی ہیں یہ بے وفا تقدیر بھی روٹھی ہوئی
کیسے کٹے یہ فاصلہ یا دے قضا یا حوصلہ
یا رب دیارِ غیر میں بنتِ علیؑ ہیں بے ردا

فرحان و مظہرؔ عابدی کیا تھی قیامت کی گھڑی
اِک مالکِ قدر و قضا فریاد کرتا تھا یہی
مجھ پر سِتم اب اور کیا ڈھاۓ یہ اُمت بھلا
یا رب دیارِ غیر میں بنتِ علیؑ ہیں بے ردا

Sajjad Ki Ay Sada Lyrics - Farhan Ali Waris