Asghar Ke Galey Ko Lyrics - Tejani Brothers

Asghar Ke Galey Ko Lyrics in English

Alam Mein Bapa Ho Gaya Hungama E Mehshar
Roye Thy Zameen Aur Falak Dekh Ke Manzar
Maan Roi Thi Jab Dekh Ke Goudi Ke Pale Ko
Haye Teer Ne Jab Chaida Asghar Ke Gale Ko

Thame Thi Rubab Apna Jigar Dard Ke Mare
Faryad Labon Par Thi Meri Jaan Mere Pyare
Bardasht Kare Kaise Yeh Gham Madar E Muztar
Haye Teer Ne Jab Chaida Asghar Ke Gale Ko

Afsos Teri Maan Se Judai Hui Haye
Nawak Se Teri Doodh Barhai Hui Haye
Mazloomi E Asghar Se Laga Seene Pe Nashtar
Haye Teer Ne Jab Chaida Asghar Ke Gale Ko

Be Sheer Ko Mola Ne Kalaije Se Lagaya
Ek Bap Ne Bache Ka Ye Gham Kaise Uthaya
Asghar Ka Lahoo Chehre Pe Mal Ke Rahe Hote
Haye Teer Ne Jab Chaida Asghar Ke Gale Ko

Roti Thi Phuphi Maayen Bhateeje Ke Alam Mein
Aur Ahl E Haram Rote Thy Be Sheer Ke Gham Mein
Sab Behnen Buka Karti Thiin Baba Se Lipat Kar
Haye Teer Ne Jab Chaida Asghar Ke Gale Ko

Pap’aaye Huye Lab Pe Zuban Apni Phirai
Is Ghurbat E Be Sheer Pe Larzai Khudai
Munh Phair Ky Roya Tha Sitam Gaar Ka Lashkar
Haye Teer Ne Jab Chaida Asghar Ke Gale Ko

Woh Teer Jo Haiwanon Ki Khatir Tha Banaya
Sad Haif Wohi Phool Si Gardan Pe Chalaya
Woh Ghooya Dahan Reh Gaya Hathon Pe Ulat Kar
Haye Teer Ne Jab Chaida Asghar Ke Gale Ko

Hai Karbobala Dard Bhari Teri Kahani
6 Maah Ke Bache Ne Sahi Tashna Dahani
Sookha Tha Gala Sookhi Zuban Haye Muqaddar
Haye Teer Ne Jab Chaida Asghar Ke Gale Ko

Is Dard Ko Bas Poocho Hussain Ibne Ali Se
Ek Bap Ke Thy Kitni Qayamat Ke Woh Lamhe
Shash Maaha Shaheed Ho Gaya Gardan Ko Barha Kar
Haye Teer Ne Jab Chaida Asghar Ke Gale Ko

Majlis Mein Nigaar Ahl E Aza Karte Hain Matam
Zahra Ki Dua Payen Gi Jo Ankhen Hain Pur Namm
Tejani Brother Bhi Roty Hain Yeh Parh Kar
Haye Teer Ne Jab Chaida Asghar Ke Gale Ko