Ayam E Aza Alvida tajani

Sheh Ke Gham Mein Raha Dil Hamara Udaas
Hum Ne Chaalees Din Pehna Kala Libaas
Hum Sabeelein Lagate Rahe Jaa Ba Jaa
Yaad Karte Rahe Hum Shahidon Ki Piyas
Alvida Alvida
Ab Ye Di Hai Sada Alvida
Alvida Alvida
Ayam E Aza Alvida

Aal E Imraan Ka Gham Bapa Hum Karein
Phir Ye Majlis Karein Phir Ye Matam Karein
Mout Aaye Nahi Hum Salamat Rahein
Phir Se Chehlum Karein Phir Muharram Karein
Alvida Alvida
Hai Khuda Se Dua Alvida
Alvida Alvida
Ayam E Aza Alvida

Karbala Mein Tha Teeron Pe Jis Ka Badan
Jis Ke Laashe Ko Milne Na Paya Kafan
Uss Gharibul Watan Ka Manane Ko Gham
Jo The Pardes Mein Wo Bhi Aaye Watan
Alvida Alvida
Farsh E Gham Uth Gaya Alvida
Alvida Alvida
Ayam E Aza Alvida

Ek Muharram Se Masroof E Matam Rahe
Sar Hamare Musalle Pe Bhi Kham Rahe
Baad E Majlis Tabarruk Bhi Hum Ne Liya
Roz E Aashoor Faqe Se Bhi Hum Rahe
Alvida Alvida
Dil Tadapta Raha Alvida
Alvida Alvida
Ayam E Aza Alvida

Aoun O Qasim Ka Akbar Ka Pursa Diya
Aur Sakina Ka Asghar Ka Pursa Diya
Bibi Zehra Ko Har Ek Azadaar Ne
Unke Ujde Hue Ghar Ka Pursa Diya
Alvida Alvida
Gham Ki Thi Inteha Alvida
Alvida Alvida
Ayam E Aza Alvida

Farsh E Gham Ke Bina Hum Na Reh Payeinge
Khair Se Dus Maheene Guzar Jaayeinge
Hoga Majlis Ka Matam Ka Phir Ahtemaam
Algharaz Phir Muharram Ke Din Aayeinge
Alvida Alvida
Hogi Phir Ibteda Alvida
Alvida Alvida
Ayam E Aza Alvida

Haath Matam Ko Apne Uthate Rahein
Chashm E Girya Se Aansoo Bahate Rahein
Umr Bhar Nouha Yaqub Likhta Rahe
Aur Tejani Brothers Sunate Rahein
Alvida Alvida
Hai Ye Dil Ki Sada Alvida
Alvida Alvida
Ayam E Aza Alvida