Pursa Hussain Ka

Jab Mah e Muharram Ne Khabar Gham Ki Suna Di
Rukh Kar Ke Baqaiya Ka Ye Momin Ne Sada Di
Tashreef Laein Farsh e Aza Sheh Ka Bichh Gaya

Mazloom Ke Gham Mein Hoi Maghmoom Khudayi
Phir Naam Pe Pyason Ke Sabeelein Hain Lagayi
Ghar Ghar Mein Hai Hussain Ki Ghurbat Ka Tazkira

Har Mod Pe Dharas Jo Raha Bint e Ali Ki
Wo Jis Ki Shahadat Pe Kamar Sheh Ki Jhuki Thi
Oss Shair Ke Ktte Hue Shano Ka Wasta

Aayi Jo Madine Mein Wo Zindaan Se Palatt Kar
Ghar Jane Se Pehle Gayi Madar Ki Lahad Par
Zainab Ne Maa Ki Qabr Pe Di Pehli Ye Sada

Ghazi Ko Isi Maa Ne Sikhaein Thi Wafaein
Baiton Ke Liye Bharti Bhala Kaise Wo Aahein
Noha Tha Ye Baqaiya Mein Umul Baneen Ka

Pardais Mein Umat Ne Jise Zakhm Diye Hain
Ik Din Mein Jise Dagh Bahatar Ke Mile Hain
Oss Par Salam Jis Ka Bhara Ghar Ujad Gaya

Jeene Na Diya Oss Ko Musalmano Ne Bibi
Pala Tha Jisse Aap Ne Armano Se Bibi
Haye Rula Rula Ke Ose Zibha Kar Diya

Mazloom Ki Gardan Pe Wo Chalta Hua Khanjar
Khoon Unn Ko Rulata Hai Takallum Yehi Manzar
Dadi Ki Ujdi Qabr Pe Mehdi Ka Hai Noha