Syed Raza Abbas Zaidi
Zeeshan Abidi
Kar Do Karam Rakh Lo Bharam
Main Ban Ke Sawali Aap Ke Dar Par Aaya Hoon
Bin Aap Ke Mera Nahi Koi Sahara Ho Karam Khudara
Daman Phelaye Baitha Hoon Kab Se
Nahi Loutonga Jab Tak Meri Mushkil Na Ho Aasan
Allah Muhammad Ali Fatima Hassan Hussain
Aap Ke Asghar Ke Jhole Se Lipta Hoon
Be Auladon Ke Haq Mein Ye Kehta Hoon
Jo Bhi Jhole Se Kurta Le Kar Jaye
Us Bibi Ki Khali Jholi Bhar Jaye
Puri Ye Dua Ho Aulad Ata Ho
Be Auladon Ko Aap Ke Sadqe Mil Jaye Santaan
Jald Shifa Mil Jaaye Sab Beemaaron Ko
Maaon Se Milwa De Un Ke Pyaron Ko
Jo Maqrooz Hain Qarz Ada Ho Ab Un Ka
Rahe Salamat Maaon Behnon Ka Parda
Gham Shah Ke Siwae Gham Koi Na Aaye
Karta Hoon Dua Mehfooz Rahe Har Molai Ki Jaan
Yad Aati Hai Jab Karbala Dil Rota Hai Mera
Mujhe Dekhna Hai Har Baras Abbas Ka Roza
Janta Hoon Muflis Hoon Ghar Mein Ghurbat Hai
Karbobala Jane Ki Phir Bhi Hasrat Hai
Door Main Ab Mola Se Reh Na Paonga
Un Ki Yad Main Ro Ro Kar Mar Jaonga
Meri Aas Ko Bhejain Abbas Ko Bhejain
Saqa e Sakina Ki Ghurbat Par Hona Hai Qurban
Dekhta Hoon Apne Bachon Ka Jab Chahra
Hota Hai Ehsas Ghar Na Hone Ka
Wasta Deta Hoon Main Jalte Khemon Ka
Ho Jaaye Is Saal Mera Bhi Ghar Apna
Jahan Alam Sajaon Majlis Karaon
Meri Hasrat Hai Ke Aap Banain Ek Din Mere Mehman
Mola Hussain Ko Akbar Ka Pursa De Kar
Hum Ne Shab e Jumah Ye Dua Mangi Ro Kar
Chod Gaye Hain Hum Ko Jitne Bhi Pyare
Rehmat Nazil Kijiye Un Ki Qabron Pe
Mushkil Na Ho Raste Barzakh Ke Safar Se
Mere Marhomeen Ki Mahshar Tak Har Manzil Ho Aasaan
Mola Ne To Pyar Sikhaya Hai Hum Ko
Apna Chahne Wala Banaya Hai Hum Ko
Yad Ye Rakhna Waqt Koi Bhi Aa Jaye
Apna Hussaini Rishta Toot Nahi Paye
Parcham Lehraoo Dunya Ko Bataoo
Ye Wird Hamesha Sath Karein Ge Hind or Pakistan
Ghaibat Main Hain Mola Kitne Salon Se
Wakif Hain Phir Bhi Wo Hamare Halon Se
Zinda Rahain Ya Hum Mar Jaye Ya Zahra
Dekhna Hai Har Haal Main Mola Ka Chehra
Wo Khud Aa Jaye Ya Hamain Bulayain
Wo Samne Baith Ke Bolain Sunao Phir Se Raza Zeeshan
