Syed Raza Abbas Zaidi
Zeeshan Abidi
Ae Kul Ke Madadgar Sardaron Ke Sardar
Mushkil Kushai Ho Mere Mola Mere Sarkar
Gar Tum Na Karo Ge To Karam Kon Kare Ga
Gar Tum Na Suno Ge To Meri Kon Sune Ga
Zehra Ki Musibat Ka Tumhein Wasta Ali
Mushkil Ko Meri Hal Karo Mushkil Kusha Ali
Mola Meri Nigahon Ko Hansil Hon Ye Sharf
Jeete Jee Aik Bar Dikha Do Mujhe Najaf
Sanson Ka Ruk Na Jaye Kahin Silsila Ali
Mushkil Ghari Hai Kijiye Aasan Raste
Sab Par Karam Ho Bali Sakina Ke Waste
Tum Bin Nahi Hai Koi Mera Aasra Ali
Ae Kibriya Ki Shan Muhammad Ke Dilnasheen
Aanso Rawan Hain Aankh Se Dil Ko Sakoon Nahi
Ye Dil Se Aa Rahi Musalsal Sada Ali
Ek Ghar Mujhe Bhi Chahiye Kaabe Ke Mohtaram
Jis Par Laga Ho Hazrat e Abbas Ka Alam
Ghurbat Mein Muflisi Mein Yehi Hai Dua Ali
Beemar e Karbala Se Wafa Ka Sila Mile
Beemar Jo Hain Unn Ko Mukamal Shifa Mile
Uss Ki Qasam Jo Kanton Pe Chalta Raha Ali
Haye Hussain Haye Zaeefi Ka Wo Saman
Dekhi Jawan Baite Ke Seene Mein Jab Sina
Rakh Kar Sina Pe Hath Tarap Kar Kaha Ali
Jis Dam Aseer Hoke Chalein Sham Ki Taraf
Zainab Pukari Daikh Ke Haye Soye Najaf
Kis Tarhan Sham Jaon Gi Main Be Rida Ali
Zindan Mein Jab Behan Ka Janaza Na Uth Saka
Haye Tarap Ke Syed e Sajjad Ne Kaha
Waqt e Madad Hai Aaiye Ya Murtaza Ali
Zeeshan Or Raza Ke Labon Par Dua Hai Ye
Ghaibat Se Jald Barhwain Baite Ko Bhaijiye
Mushkil Hai Sans Lena Ab Unn Ke Bina Ali