Zara Rok Le Khanjar Lyrics - Mir Hasan Mir

Zara Rok Le Khanjar Lyrics in English

Zainab Ko Dekha Sheh Ne Jo Nazdeek e Qatl e Gah
Arre Is Dam Ghareeb e Zehra Ne Qatil Se Ye Kaha

Zainab Nikal Aai Hai Zara Rok Le Khanjar

Mola Ye Sada Dete The Ae Shimr e Simtgar
Zainab Nikal Aai Hai Zara Rok Le Khanjar

Aakhir Ko Safar Hona Hai Is Dar e Mahad Se
Do Batein To Kar Lene De Bhai Ko Bahan Se
Aati Hai Meri Samt Meri Ladli Khuahar
Zainab Nikal Aai Hai Zara Rok Le Khanjar

To Lakh Simtgar Hai Magar Kaam Ye Kar Ja
Ae Shimar Mere Seene Se Kuchh Dair Utar Ja
Mar Jayen Gi Is Hal Main Dekha Jo Baradar
Zainab Nikal Aai Hai Zara Rok Le Khanjar

Bhai Ki Muhabat Main Wo Betab Huwi Hai
Khaime Se Bohat Tez Wo Maqtal Ko Chali hai
Sar Se Meri Behna Ke Utar Jaye Na Chadar
Zainab Nikal Aai Hai Zara Rok Le Khanjar

Didar Kare Wo Mera Main Bhi usse Dekhon
Zakhmi Hon Magar Aakhri Tazeem To Karlon
Ae Shimr Behan Hai Ye Meri Maa Ke Barabar
Zara Rok Le Khanjar
Zainab Nikal Aai Hai Zara Rok Le Khanjar

Zainab Chali Jaye To Sitm Chahe Jo Dhana
Hat Jaye Behan Meri To Khanjar Ko Chalana
Kuchh Dair Mere Shano Pe Rehne De Mera Sar
Zainab Nikal Aai Hai Zara Rok Le Khanjar

Abbas Ki Khatir Mujhe Pegham Ye De Gi
Shaid Ali Akbar Ki koi Baat Kare Gi
Kuchh Dair To Rone De Bahan Bhai Ko Mil Kar
Zainab Nikal Aai Hai Zara Rok Le Khanjar

Mazloom Ki Tasweer ko Ankhon Main Basa Kar
Shabir Se masoom Sakina Ko Mila Kar
Wada hai Chali Jaye Gi Wapis Meri Khuahar
Zainab Nikal Aai Hai Zara Rok Le Khanjar

Kehne Laga Mola Se Simtgar Ye Sans Kar
Pehle Bhi Nikal Aai Thi Ye Khaime Se Bahar
Are Sheh Ne Kaha Jab Qatl Huwa Tha Ali Akbar
Zainab Nikal Aai Hai Zara Rok Le Khanjar

Sar Sheh Ka Juda Karne Main Masroof Layin Tha
Kya Kehta Hai Mazloom Wo Sunta hi Nahi Tha
Kehta Raha Sar Tan Se Juda Ho Ke Bhi Akbar
Zainab Nikal Aai Hai Zara Rok Le Khanjar