Haye Akbar Allah O Akbar Lyrics - Joan Rizvi

Haye Akbar Allah O Akbar Lyrics in English

Allah Akbar Haye Akbar Allah O Akbar

Haye Azaan Akbar Ki Sun Ke
Khaimon Mein Ik Shoor Hai Barpa
Allah Akbar Haye Akbar Allah O Akbar

Sansein Hain Shabir Ki Jab Tak
Jeeta Hai Humshakal e Payamber
Mar Ke Akbar Ko Marein Gay
Phir Shabir Ko Sare Sitamgar
Peet Ke Sar Roein Gi Zahra
Dono Ki Lashon Pe Aa Kar
Dasht Mein Har So Gaunj Raha Hai
Yeh Akbar Ki Azaan Ka Noha
Allah Akbar Haye Akbar Allah O Akbar

Roti Hai Veeran Gharon Mein Aaein Gay Kab Laut Ke Pyaray
Aane Walon Ke Rastay Mein Bethi Woh Apno Ko Pukarey
Bhaiyya Akbar Jaldi Aa Ja Mar Na Jaon Gham Ke Marey
Akbar Ko Lagta Tha Sadaein Deti Hai Ossay Rooz Yeh Sughra
Allah Akbar Haye Akbar Allah O Akbar

Maqtal Mein Thehri Aye Hawao Ja Ke Yeh Sughra Ko Bata Do
Armano Ke Jitnay Diye Bhi Tum Ne Jalaye Hain Woh Bhuja Do
Akbar Ka Sehra Jo Sughra Tum Ne Banaya Hai Woh Barha Do
Maqtal Mein Ab Sar Par Akbar Pehne Ga Haye Maut Ka Sehra
Allah Akbar Haye Akbar Allah O Akbar

Haye Udhar Akbar Se Moazin Ki Ashkon Se Tar Hai Sorat
Gham Se Idhar Shabeer Ke Chehray Ki Badli Jati Hai Rangat
Ro Ro Ke Abbas Our Qasim Dekhtey Hain Shabeer Ki Halat
Ki Jo Azan Shorow Akbar Ne Ro Kar Thama Sheh Ne Kaleja
Allah Akbar Haye Akbar Allah O Akbar

Bhai Ki Hai Jan Behan Mein Sheh Ko Khabar Thi Woh Ghabrati
Ran Ki Taraf Akbar Ko Jata Dekh Ke Sughra Na Seh Pati
Akbar Ke Seene Mein Barchi Ka Suntay Hi Woh Mar Jati
Hoti Yahan Sughra Tu Kaisay Dekhti Woh Bhai Ko Tarapta

Roti Hain Khaimay Mein Dono Sun Ke Azaan Akbar Ki Abhi Tu
Our Abhi Laila o Zainab Deti Hain Hosla Ik Dojay Ko
Mar Hi Na Jaein Kahin Ro Ro Ke Oss Dam Gham Se Maein Dono
Jab Zakhmi Maqtal Mein Ho Ga Barchi Se Akbar Ka Seena
Allah Akbar Haye Akbar Allah O Akbar

Akbar Teri Shadi Hai Par Sare Ghar Mein Soag Hai Chaya
Teri Azaan Ne Manzar Aisa Hai Baratiyon Ko Dikhlaya
Haye Akbar Keh Kar Tera Sehra Sab Ne Hai Seene Se Lagaya
Tere Jeetay Jee Tujhe Akbar Roya Hai Zahra Ka Gharana
Allah Akbar Haye Akbar Allah O Akbar

Sans Labon Par Tha Akbar Ka Jab Sughra Ka Qasad Aaya
Khol Aankhein Sheh Bolay Akbar Sughra Ne Hai Khat Bhajwaya
Kya Likha Tha Behan Ne Apne Bhai Ko Jab Parh Ke Sunaya
Sheh Kehte They Haye Akbar, Kehte They Akbar Haye Sughra
Allah Akbar Haye Akbar Allah O Akbar

Pathar Kha Kha Kar Hoon Gay Tab Parday Daroon Ke Zakhmi Sar
Sar Ke Chupaney Ko Bhi Asad Tab Ho Gi Kissi Ke Pas Na Chadar
Ho Gi Qayamat Ki Woh Ghari Jab Bibiyaan Sab Darbar Ke Dar Par
Pandrah Azanein Sunti Hoon Gi Akbar Ka Sar Naizay Pe Ho Ga
Allah Akbar Haye Akbar Allah O Akbar