Sakina Reh Gai Zindaan Main Lyrics - Syed Raza Abbas Zaidi
Let’s Check Out The Sakina Reh Gai Zindaan Main Lyrics, Recited by Syed Raza Abbas Zaidi. It is a New Noha of the Year 2023. Its Beautiful Lyrics Are Written By Zeeshan Abidi.
Title
Sakina Reh Gai Zindaan Main
Recited By
Written By
Zeeshan Abidi
Sakina Reh Gai Zindaan Main Lyrics in English
Jab Ahl e Haram Ne Sham Ke Zindaan Se Rehai Payi
Sajjad Tarap Ke Kehne Lagay Jab Yaad Sakina Aayi
Tum Kaisay Raho Gi Zindaan Mein Aye Baba Ki Shedayi
Itna Tu Bata Do Sughra Ko Kya Ja Ke Bataye Bhai
Suna Jab Naam Sughra Ka Sada Aayi Suno Bhaiyya
Laga Hai Khon Jis Par Woh Marey Gohar Dikha Dena
Sakina Reh Gayi Zindan Mein Bhai Bata Dena
Suno Bhaiyya Shikayat Hai Mujhe Inn Sham Walon Se
Kabhi Durray Lagaye Hain Kabhi Khaincha Hai Baloon Se
Tamachay Itnay Khaye Hain Lahu Behta Hai Galon Se
Bohat Acha Howa Bhaiyya Watan Mein Reh Gayi Sughra
Kabhi Woh Sham Na Aaye Ossay Meri Dua Dena
Sakina Reh Gayi Zindan Mein Bhai Bata Dena
Humein Ahl e Sitam Jab Bhi Sar e Bazar Latay They
Hamari Be Basi Ka Woh Tamasha Youn Dikhatay They
Chacha Ka Sar Giranay Ke Liye Mujh Ko Giratay They
Chacha Ke Pas Jane Par Zameen Se Sar Uthane Par
Bohat Mara Laeeno Ne Yeh Sughra Ko Bata Dena
Sakina Reh Gayi Zindan Mein Bhai Bata Dena
Kahin Dekhi Nahi Aisi Muhabbat Baap Beti Mein
Mujhe Darbar Mein Manga Gaya Jis Dam Kaneezi Mein
Dilasa Mujh Ko Deney Aa Gaya Sar Meri Godi Mein
Mujhe Hakim Ne Jab Dekha Yeh Keh Kar Shimar Ko Bhaija
Chura Kar Baap Ka Sar Taziyano Ki Saza Dena
Sakina Reh Gayi Zindan Mein Bhai Bata Dena
Mujhe Darbar Mein Baba Se Aisay Bhi Milaya Tha
Sitamgar Samne Khurmay Ka Jab Ik Tasht Laya Tha
Main Kitna Roi Thi Jab Tasht Se Kapra Hataya Tha
Wahan Khurmay Nahi Sar Tha Bata Dena Ossay Bhaiyya
Woh Roye Tu Meri Ghurbat Ka Oss Ko Wasta Dena
Sakina Reh Gayi Zindan Mein Bhai Bata Dena
Koi Beti Na Dekhey Ran Mein Dekha Main Ne Jo Manzar
Gayi Lashon Se Takratay Hoye Baba Ke Lashay Par
Kati Ungli Badan Mein Teer Dekhey Kat Chuka Tha Sar
Nishaan Teeron Ke Aye Bhaiyya Na Dekhey Fatima Sughra
Padar Ka Khoon Bhara Kurta Watan Ja Kar Chupa Dena
Sakina Reh Gayi Zindan Mein Bhai Bata Dena
Sakina Janti Hai Kaisay Dekha Zakhm Seene Par
Ossay Kaisay Batao Gay Nahi Aaye Ali Akbar
Behan Mar Jaye Gi Bhai Ke Marne Ki Khabar Sun Kar
Bohat Hasas Hai Sughra Galay Se Tum Laga Lena
Tera Main Bhi Tu Bhai Hoon Yeh Keh Kar Hosla Dena
Sakina Reh Gayi Zindan Mein Bhai Bata Dena
Chaley Abid Tu Zeeshan o Raza Aawaz Yeh Aayi
Watan Jate Hoye Jab Karbala Jana Merey Bhai
Merey Ammo Se Keh Dena Sakina Mar Gayi Pyasi
Nahi Pani Ka Gham Haye Chacha Tum Kyun Nahi Aaye
Andheri Qaid Mein Ro Ro Ke Maut Aayi Bata Dena
Sakina Reh Gayi Zindan Mein Bhai Bata Dena
Found a mistake? Just select the incorrect part and click on the report button to provide the correction. We will replace it.
Support Our Work
Join us on Patreon and help us continue creating great content.
Support Us On Patreon
