Syed Raza Abbas Zaidi
Zeeshan Abidi
Kab Main Kehta Hoon Ali Mujh Ko Khuda Lagta Hai
Phir Bhi Dunya Ko Mera Ishq Bura Lagta Hai
Main Ne Bas Itna Kaha Bad e Khuda Bad e Nabi
Haan Mera Mola Ali Sab Se Juda Lagta Hai
Haan Mera Naaz Hai Ye Mera Humraz Hai Ye
Iss Ki Khilqat Pe Khuda Kehne Laga
Mere Haider Ki Baat Alag Hai
Mariyam Ko Bait Al Maqadas Se Bahir
Bhaija Tha Jab Kibriya Ne
Yeh Ghar Wiladat Ka Markaz Nahi Hai
Jao Ye Bola Khuda Ne
Aayi Jab Tera Rajab
Khud Ye Kehne Laga Rab
Aaiye Bint e Asad Salay Ala
Mere Haider Ki Baat Alag Hai
Pohanchay Jo Mairaj Par Mustafa Tu
Parde Se Aawaz Aayi
Aye Mere Mehboob Meri Muhabbat
Tum Ko Yahan Khainch Layi
Jab Wo Aawaz Suni Aa Gaye Yaad Ali
Thi Muhammad Ke Labon Par Ye Sada
Mere Haider Ki Baat Alag Hai
Mera Dil Kya Meri Dharkan Ki Tamana Hai Ali
Jo Meri Soch Se Bala Hai Woh Maula Hai Ali
Sab Se Aala Hai Nirala Hai Misali Hai Ali
Jis Ka Abbas Hai Beta Woh Jalali Hai Ali
Koi Be Zar Jo Chala Aaye Tu Abuzar Kar De
De Jo Parwaz Tu Shahbaz Qalandar Kar De
Kab Main Kehta Hoon Keh Salman Bana De Mola
Keh Do Meesum Se Mujhe Ishq Sikha De Mola
Chahe Kat Jaye Zabaan Ruk Na Paye Ye Azaan
Daar Par Doon Ye Sada Mere
Mere Haider Ki Baat Alag Hai
Ye Zulfiqar e Ali Janti Hai
Chalna Hai Kis Par Kahan Se
Marhab Ka Sar Katne Ke Liye Jab
Haider Ne Khaincha Maiyaan Se
Chom Kar Dast e Jali Bool Uthi Taigh e Ali
Aaj Aaye Ga Katayi Ka Maza
Mere Haider Ki Baat Alag Hai
Khaybar Se Jab Aaye Shair e Khuda Tu
Zahra Se Talwar Boli
Aisay Kalai Chalai Ali Ne
Maidan Mein Aye Saheli
Sar Se Marhab Ke Chali
Farsh Par Aa Ke Ruki
Kaat Ke Oss Ka Badan Main Ne Kaha
Mere Haider Ki Baat Alag Hai
Man Kuntu Mola Ka Ayelan Sun Kar
Chilla Ke Haris Ye Bola
Mujh Par Azab e Khuda Aa Paray Gar
Hai Ye Ali Sab Ka Mola
Sar Pe Kankar Jo Laga Aayi Haris Ko Qaza
Jitne Munkir The Unhein Kehna Para
Mere Haider Ki Baat Alag Hai
Bolay Muhammad Ke Salman Jao
Our Sab Ko Paband Kardo
Jitnay Bhi Darwazay Masjid Ke Andar
Khultay Hain Sab Band Kardo
Ye Bhi Keh Dena Zara Hai Yehi Hukam e Khuda
Band Na Hoga Dar e Shair e Khuda
Mere Haider Ki Baat Alag Hai
Jab Hoi Jang e Ohad Keh Ke ALLAH Madad
Pohanchay Maidaan Mein Muhammad
Tu Ye Lashkar Se Kaha
Jao Sab Apni Jagah Our Suno Hukam Mera
Jab Talak Main Na Kahon Chorna Mat Apni Jagah
Ye Magar Ho Na Saka Jhota Ayelan Howa
Mustafa Marey Gaye Jab Yeh Lashkar Ne Suna
Bhool Gaye Apna Sharf Bhagay Sab Ghar Ki Taraf
Jab Hoye Tanha Nabi Shair Khuda Ka Pohancha
Arsh Se Talwar Chali Bas
Yeh Sada Deti Hoi La Fata Illa Ali
Phir Ali Aisa Laray Ran Mein Dushman Na Rukay
Ghar Jo Bhagay The Woh Laute Tu Muhammad Ne Kaha
Chori Kyun Tum Ne Jagah Tu Bhagoron Ne Kaha
Jan Pyari Thi Yahan Ruktay Tu Kha Jati Qaza
Bolay Haider Se Nabi Tum Kyun Gaye Na Ali
Tu Ali Kehne Lagay Jab Sada Aayi Mujhe
Mustafa Marey Gaye
Tu Mere Dil Ne Kaha Aaj Sab Khatam Howa
Jab Muhammad Hi Nahi Jeene Ka Maqsad Hi Nahi
Sun Ke Ye Bolay Nabi Wah Kya Kehne Ali
Phir Bhagoron Se Muhammad Ne Kaha
Mere Haider Ki Baat Alag Hai
Ghazi Ki Chokhat Pe Baithay Hoye The
Honton Pe Bas Yeh Dua Thi
Aye Mola Abbas Hum Par Karam Ho
Midhat Karein Murtaza Ki
Abhi Jari Thi Dua Ho Gayi Hum Pe Atta
Mil Ke Kehne Lagay Zeeshan o Raza
Mere Haider Ki Baat Alag Hai
