Nadeem Sarwar
Rehan Azmi
Ya Wajihan Indallah Ishfa’aa Lana Indallah
Bar E Ilaha Ban Ky Sawali Tery Huzoor
Daman Mein Apny Laye Hain Bey Inteha Qusoor
Lekin Hamary Seenon Py Matam Ka Dekh Noor
Apny Nabi Ky Sadqy Mein Bakhshy Ga Tu Zuroor
Ya Wajihan...
Maula Ali Ka Rabb E Jahan Tujh Ko Wasta
Ya Rab Baraye Fatima Siddeeqa Tahira
Dy Ilm Aur Rizq Ka Saghar Bhara Hua
Tooty Na Naimaton Ka Mery Ghar Sy Silsila
Ya Wajihan...
Malik Tujhy Imam E Hasan Ka Hai Wasta
Jis Ky Lahoo Sy Karbobala Ki Hai Ibtida
Ab Wasta Hussain Alaihis Salam Ka
Parwardigar E Sabr Shah E Tishna Gaam Ka
Jis Ky Labon Py Wird Tha Tery Hi Naam Ka
Khanjar Taly Jo Qari Tha Tery Kalam Ka
Ya Wajihan...
Yeh Rab Tu Meri Hasti Ko Aisa Sanwar Dy
Tu Apni Rehmaton Sy Mera Ghar Nikhar Dy
Sajjad Ka Tu Sadqa Ay Parwardigar Dy
Beemar Ko Shifa Dy Mukammal Qaraar Dy
Ya Wajihan...
Maalik Imam E Baqar O Jafar Ka Wasta
Majlis Mein Main Hussain Ki Karta Hun Yeh Dua
Dono Ka Wasta Tujhy Deta Hun Ay Khuda
Maqrooz Jo Hain Ghaib Sy Kar Un Ka Qarz Ada
Ya Wajihan...
Ya Rab Baraye Moosiye Kazim Ali Raza
Mashad Mein Aur Najaf Mein Jo Hain Qibla E Dua
Tu In Ky Wasty Sy Woh Aulad Kar Ata
Maan Baap Jis Sy Shad Hon Jin Ki Ho Yeh Sada
Ya Wajihan...
Ya Rab Baraye Maula Naqi Taqwa E Taqi
Dy Jazba E Jahan Ba Sad Shan E Askari
Mehdi Ka Bhi Zuhoor Dikha Dy Isi Sadi
Tery Huzoor Meri Dua Hai Yeh Akhri
Ya Wajihan...
Hum Teri Bargaah Mein Ay Rabb E Kirdigaar
Roye Hain Jo Dua E Tawassul Mein Zaar Zaar
Sun Ly Sadaye Sarwar O Rehan Aik Bar
Hum Ko Imam E Asr Ky Lashkar Mein Kar Shumar
Ya Wajihan...
