Wato Izzo Mantasha

Woh Aisa Meharban Keh Jis Ki Nahi Misal
Had Se Zyda Rakhta Hai Makhloq Ka Khiyal
Chahe Jisay Aroj Day Chahe Jisay Zawal
Oss Ki Issi Adda Pe Tu Kehte Hain Anbiya
Wato Izzo Mantasha Watu Zillu Mantasha

Izat Mili Yeh Khak Ko Adam Bana Diya
Phir Ilm Our Kamal Se Oss Ko Saja Diya
Sajday Ka Pehle Oss Ko Saleeqa Sikha Diya
Our Phir Ossi Ko Laiq e Sajda Bana Diya
Wato Izzo Mantasha Watu Zillu Mantasha

Kashti Ko Jis Ne Nooh Ki Sahil Atta Kiya
Mosa Ko Baam e Toor Pe Jalwa Dikha Diya
Murday Jilaye Essa Ko Yeh Mojza Diya
Dast e Khalil Se Bana Kaba Tu Yeh Khula
Wato Izzo Mantasha Watu Zillu Mantasha

Yeh Wasf Khas Sirf Muhammad Ko Hai Mila
Mushtaq e Deed e Abad Ka Mabood Ho Gaya
Hukam e Khuda Se Waqt Ko Tehra Diya Gaya
Mairaj Par Sunni Gayi Manoos Ik Sada
Wato Izzo Mantasha Watu Zillu Mantasha

Tarekh Mein Ajeeb Hai Hijrat Ka Waqiya
Taig o Sina Ki Zad Pe Tha Mehbob-e-Kibriya
Woh Waqt Mustafa Ki Hifazat Ka Waqt Tha
Yeh Keh Ke Kon Bistar-e-Ahmad Pe So Gaya
Wato Izzo Mantasha Watu Zillu Mantasha

Har Aik Ke Naseeb Mein Deen Ka Alam Kahan
Pehle Ali Sa Shir Janam De Tu Koi Maa
Abbas Jaisi Chahiein Iss Ko Kalaiyaan
Aati Hai Iss Alam Ke Phareray Se Yeh Sada
Wato Izzo Mantasha Watu Zillu Mantasha

Kirdar Aik Hur Ka Bhi Hai Kainat Mein
Jannat Khareedi Jis Ne Faqat Aik Raat Mein
Dozakh Ki Aag Bethi Rahi Oss KI Ghaat Mein
Bola Woh Sar Pe Bandh Ke Romal-e-Fatima
Wato Izzo Mantasha Watu Zillu Mantasha

Aatish Kaday Ko Chor Keh Salman Chal Diya
Rehmat Khuda Ki Sath Thi Rasta Bhi Mill Gaya
Ahmad Ne Our Ali Ne Issay Bhai Keh Diya
Izat Mili Tu Fakhar e Suleman Ban Gaya
Wato Izzo Mantasha Watu Zillu Mantasha

Teri Naimaton Mein Aye Khuda Koi Kami Na Ho
Muhtaj Momiineen Mein Ya Rab Koi Na Ho
Fuqdan e Ilm Bachoon Mein Mere Kabhi Na Ho
Kar Sarfaraz Mujh Ko Mere Bakht Ko Jaga
Wato Izzo Mantasha Watu Zillu Mantasha

Ya Rab Ba-Haq-e-Fatima Zahra Hai Yeh Dua
Hai SARWAR O REHAN Ki Tujh Se Yeh Iltija
Jab Tak Jura Howa Hai Yeh Sansoon Ka Silsila
Zahra Ke Khandan Ki Karte Rahein Sana
Wato Izzo Mantasha Watu Zillu Mantasha

وَتُعِزُ مَن تَشَاء وَتُذِلُ مَن تَشَاء