Mir Hasan Mir
Bilal Kazmi
Jo Hai Waqar Mutlabi Khandan Ka
Tum Ko Suna Raha Hoon Rajaz Oss Jawan Ka
Qasim Ibn e Hasan Hoon
Qasim Hoon Karwan e Shujat Ka Mir Hoon
Dono Jahan Mein Aap Hi Apni Nazeer Hoon
Har Khaibari Mahaz Ka Main Kalageer Hoon
Talwar Ka Dhani Hoon Qalam Ka Ameer Hoon
Seene Mein Dil Hai Fatah e Badar o Hunain Ka
Beta Hasan Ka Hoon Tu Sipahi Hussain Ka
Qasim Ibn e Hasan Hoon
Zahra o Mustafa o Ali o Hasan Hussain
Sajjad Our Baqir o Jafar Dilon Ke Chain
Kazim Raza Taqi o Naqi Haq Ki Zaib o Zain
Our Askari o Mehdi e Dein Jan e Mashreqain
Awwal Se Taba Sakin e Khizra Ka Aaina
Hum Terhwin Baras Mein Hain Chodah Ka Aaina
Qasim Ibn e Hasan Hoon
Sar Par Hai Khood e Nad e Ali Fatha Ki Kaleed
Pehne Hoye Hain Jism Pe Hum Zirrah e Al Hadeed
Kartay Hain Ran Mein Waqt e Waga Hamla e Shadeed
Woh Taig Hain Keh Jis Ka Niwala Hai Har Yazid
Patka Kamar Mein Hai Shah e Aali Sifaat Ka
Taweez Bazoon Pe Hai Baba Ke Hath Ka
Qasim Ibn e Hasan Hoon
Yaad e Shahadat e Shuhda Hai Hamarey Sath
Farzand e Fatima Ki Wila Hai Hamarey Sath
Ik Gham Naseeb Maa Ki Dua Hai Hamarey Sath
Hum Hain Khuda Ke Sath Khuda Hai Hamarey Sath
Haq Ke Khilaf Kufar Ki Zoor Aazmai Hai
Hum Se Lara Jo Oss Ki Khuda Se Larai Hai
Qasim Ibn e Hasan Hoon
Yakja Yahan Pe Kis Ke Saharey Hoye Ho Tum
Kya Soch Kar Wiga Ke Shararey Hoye Ho Tum
Bazm e Hudaibiya Mein Bhi Harey Hoye Ho Tum
Baba Hasan Ki Sulha Ke Marey Hoye Ho Tum
Mosa Hain Sahiron Ke Tamashon Se Kya Larein
Hum Malik e Hayat Hain Lashon Se Kya Larein
Qasim Ibn e Hasan Hoon
Anjam e Karzar Pe Koi Nazar Bhi Hai
Kya Sham Ke Risalon Mein Harf e Sahar Bhi Hai
Seene Akar Ke Taan Rahe Ho Jigar Bhi Hai
Larney Tu Aa Gaye Ho Tumhein Kuch Khabar Bhi Hai
Iss Rukh Se Bhi Shikast e Sitam Aashkar Hai
Oss Jang Mein Qalam Tha Yahan Zulfiqar Hai
Qasim Ibn e Hasan Hoon
Kufar o Nifaq o Shirk Ke Paidaishi Ghulam
Bad Shakal o Bad Naseeb o Bad Adwar o Kaj Khiram
Bad Nasal o Bad Tamasho Bad Anjam o Bad Kalam
Soraj Se Larney Aaye Hain Shab Zadgan e Sham
Gham Ko Khushi Samajh Ke Uchalna Tu Dekhiye
Chamgadiron Ka Din Mein Nikalna Tu Dekhiye
Qasim Ibn e Hasan Hoon
Jagay Ho Shab Ko Dar Se Keh Soye Ho Shamiyon
Aankhein Tu Keh Rahi Hain Keh Roye Ho Shamiyon
Buzdil Safon Ko Saf Mein Paroye Ho Shamiyon
Ab Tak Ghuma Ke Dasht Mein Khoye Ho Shamiyon
Kya Bhool Ho Gayi Hai Yeh Samjho Gay Dair Se
Jangal Mein Larney Aaye Ho Our Woh Bhi Shair Se
Qasim Ibn e Hasan Hoon
Foaj e Kaseer Dekh Ke Itra Rahe Ho Tum
Hinda Ki Le Mein Badar o Ohad Ga Rahe Ho Tum
Bugz e Abu Turab Mein Bal Kha Rahe Ho Tum
Khamosh Hain Tu Munh Pe Charhey Aa Rahe Ho Tum
Tukron Mein Bant Dein Gay Labon Ki Kaman Ko
Guddi Se Khainch Lein Gay Tumhari Zaban Ko
Qasim Ibn e Hasan Hoon
Aaya Hai Shair Ran Mein Giza Lo Ruko Ruko
Jate Kahan Ho Barchiyon Walo Ruko Ruko
Baiyat Ke Ankbot Ke Jalo Ruko Ruko
Pehle Jamal Ki Gaud Ke Palo Ruko Ruko
Khani Hai Jang Tum Ne Sheh Mashreqain Se
Hum Se Bacho Gaye Jab Tu Laro Gay Hussain Se
Qasim Ibn e Hasan Hoon
Yeh Keh Ke Shair e Nar Ne Charhai Jo Aasteen
Ulti Maiyan e Dasht Safon Par Safein Laeen
Rahi Saqar Ke Hone Lagay Dushmanan e Dein
Hamlay Mein Woh Dhamak Thi Keh Hilney Lagi Zameen
Ran Ki Zameen Cheekh Ke Boli Duhai Hai
Ya Rab Abu Turab Ki Kis Se Larai Hai
Qasim Ibn e Hasan Hoon
Abbas e Namdar Se Harf e Dua Liya
Lashkar Samait Shair Ne Ran Ko Utha Liya
Haibat Se Kohsaron Ne Sar Ko Jhuka Liya
Rustam Ne Apne Munh Ko Kafan Mein Chupa Liya
Maula Ali Ka Rang e Waga Yaad Aa Gaya
Maidaan Mein Kafiron Ko Khuda Yaad Aa Gaya
Qasim Ibn e Hasan Hoon
Aayi Sada Najaf Se Mera Naam Dam Karo
Meri Hi Tarha Harf e Shujat Raqam Karo
Dada Ki Jan Taig Ki Raftar Kam Karo
Maidan Tum Ne Jeet Liya Hai Na Gham Karo
Hasrat Ke Ashk Ban Ke Sab Arman Beh Na Jaye
Iss Imtehan Mein Malak Al Maut Reh Na Jaye
Qasim Ibn e Hasan Hoon
Fojon Mein Gul Howa Keh Gayi Zindagi Ki Nao
Panjay Se Hum Ko Shair e Nayastan Ke Churao
Uzza Hobul Manat Kahan Mar Gaye Batao
Teeno Ko De Rahe They Sada Aao Aao Aao
Hum Muntashir Safon Ki Jo Tanzeem Kartay Hain
Qasim Hamarey Jismo Ko Taqseem Kartay Hain
Qasim Ibn e Hasan Hoon
Narah Tha Dasht Mein Umar e Badkhisal Ka
Lo Shamiyon Pe Aa Gaya Lamha Zawwal Ka
Yeh Bazuon Ka Zoor Yeh Hamla Kamal Ka
Lagta Hai Yeh Jawan Hai Batees Saal Ka
Abbas e Namwar Ko Sheh Mashreqain Ne
De Di Riza Jehad Ki Shayad Hussain Ne
Qasim Ibn e Hasan Hoon
Youn Misal e Zulfiqar Chali Taig e Be Amma
Girney Lagay Zameen Pe Choti Ke Pehalwaan
Haibat Woh Thi Keh Jis Se Laraztay They Aasmaan
Ik Harf e Buzdili Ka Safar Tha Zabaan Zabaan
Bhago Khuda Ke Shair Ke Akas Aaye Hain
Qasim Nahi Yeh Hazrat e Abbas Aaye Hain
Qasim Ibn e Hasan Hoon
Woh Paikar e Nifaq Woh Arziq Woh Feel e Mast
Apni Ajal Ka Kartay Hoye Khud Hi Bandobast
Beton Ke Dagh Utha Ke Jo Aaya Laga Ke Jast
Aayi Sada Najaf Se Mere Lal Do Shikast
Har Haal Mein Laeen Ki Gardan Marorna
Yeh Munkir e Ghadeer Hai Iss Ko Na Chorna
Qasim Ibn e Hasan Hoon