Madh E Ali Akbar

Madh E Ali Akbar Lyrics in Urdu

حَسِیں تُم سا رسولوں میں نہیں دیکھا علی اکبرؑ

زیارت تیری کرتا ہے تیرا بابا علی اکبرؑ
حَسِیں تُم سا رسولوں میں نہیں دیکھا علی اکبرؑ

یہ کس نے کہہ دیا سرکار کا سایہ نہیں کوئی
محمد مصطفیٰؑ کا آپ ہیں سایہ علی اکبرؑ

نہیں ہو گا تُمہارا بھی کوئی سایہ علی اکبرؑ
کبھی سائے کا سایہ ہو نہیں سکتا علی اکبرؑ

دیئے راہب کو جس نے سات بیٹے اپنی مرضی سے
نمازِ شب میں اُس نے آپ کو مانگا علی اکبرؑ

خُدا كے لاڈلے كے لاڈلے ہو تم جب ہی رب نے
اذاں میں بھی تمہارا نام ہے رکھا علی اکبرؑ

فرشتے انبیاء سب گیارویں (۱۱) شعبان کو آتے ہیں
دَرِ شبیرؑ پر لینے تیرا صدقہ علی اکبرؑ

نا کیوں کر یاد تُجھ کو دیکھ کر اللہ کی آئے
تیرا دادا ہے جب اللہ کا چہرہ علی اکبرؑ

وہ کاغذ وزن میں یوسفؑ كے ہم پلہ نظر آیا
لکھا تھا جس پہ خالی نام ہی تیرا علی اکبرؑ

اِجازَت دیں محمدؐ تو اُسے بھی آمنہؑ کہہ دوں
وہ جس بی بی نے تُم کو گود میں پالا علی اکبرؑ

تکلمؔ کیسے پہچانے گیں اُس کو لوگ محشر میں
رسولؐ اللہ كے جب ساتھ آئے گا علی اکبرؑ