Khandaq Ka Waqiya

Khandaq Ka Waqiya Lyrics

Ali Ali Ali Ali, Ali Ali Ali Ali
Ya Qahir Al Adwa Ya Wali Al Wali
Ya Mazharal Ajaib Ya Murtaza Ali

Haider Ki Zulfiqar Ke Johar Dikhaon Ga
Khundak Na Khaein Aap Main Khandaq Sunaon Ga
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Khandaq Mein Dekhney Ko Musalman They Bohat
Zahir Mein Sab Rasool Pe Qurban They Bohat
Waisay Tu Woh Nabi Ke Nigehban They Bohat
Bas Ibn e Abad e Wod Se Pareshan They Bohat
Hanstay They Unn Ko Dekh Ke Kuffar Mauj Mein
Kuch They Ohad Ke Bhagney Walay Bhi Foaj Mein
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Lashkar Mein Aisay Mard Bhi Aaye They Be Misal
Aata Tha Sirf Khaimay Ke Andar Unhein Jalal
Kartay They Yaad Dil Mein Woh Jang e Ohad Ka Haal
Bhagay They Aisay Sansein Abhi Tak Na Thin Bahaal
Iss Bar Tu Ajeeb Hai Aafat Pari Hoi
Pichey Hai Khayi Aagay Hai Khandaq Khudi Hoi
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Kehte They Dil Hi Dil Mein Woh Salman Ko Bura
Oss Ne Hamarey Sath Yeh Acha Nahi Kiya
Kyun Mashwara Rasool Ko Khandaq Ka De Diya
Ajmi Ne Inteqam Yeh Arbon Se Le Liya
Sarkar Ne Suni Nahi Aakhir Kissi Ki Baat
Phir Aaj Baton Baton Mein Rakh Li Ossi Ki Baat
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Guzrey Hain Chaar Saal Hi Iss Baat Ko Abhi
Laye They Pehli Bar Issay Bazm Mein Ali
Ab Jitna Yeh Qareeb Hai Utna Nahi Koi
Our Aaj Tu Hadees Bhi Irshad Ho Gayi
Waqif Azal Se Hai Yeh Hamarey Mizaj Se
Salman Ahl e Bait Mein Shamil Hai Aaj Se
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Kehte They Bees Roz Se Yeh Tees Mar Khan
Kuch Hain Poraney Dost Bhi Aaye Hoye Yahan
Aapas Mein Achi Baat Nahi Hain Laraiyaan
Kuch Tu Karein Khiyal Hamara Sheh e Zamaan
Aisa Na Ho Keh Rishta Porana Yeh Toot Jaye
Aye Kash Sulha Kar Lein Nabi Jan Choot Jaye
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Ik Roz Amar Ne Yeh Dikhai Bohadari
Khandaq Ko Paar Kar Ke Idhar Aa Gaya Shaqi
Khaimon Ke Pas Aa Ke Yeh Aawaz Oss Ne Di
Itnay Ho Aik Mard Bhi Tum Mein Nahi Koi
Baithay Hoye Hain Khaimon Mein Munh Ko Chupaye Hain
Kya Aurton Ko Sath Nabi Le Ke Laye Hain
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Phir Aik Bar Bola Sitamgar Dahaar Kar
Eman Hai Tumhara Suna Hai Jehad Par
Maro Ya Marey Jao Gay Maidan Mein Agar
Janat Mein Tum Ko Milna Hai Apne Khuda Se Ghar
Lo Main Khara Hoon Apna Muqadar Sanwar Lo
Mar Jao Mere Hath Se Ya Mujh Ko Mar Lo
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

ALLAH Re Oss Ka Khof They Khamosh Sab Ke Sab
Danton Talay Zaban Thi Our Sil Gaye They Lab
Din Mein Andhera Cha Gaya Aankhon Mein Misal e Shab
Nagah Aagay Aaya Woh Gustakh Be Adab
Munh Tak Rahi Thi Maut Bhi Oss Be Usool Ka
Naizay Se Chak Kar Diya Khaima Rasool Ka
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Gustakh Ne Yeh Be Adabana Kiya Jo Waar
Kuch Our Dar Ke Hat Gaye Ashab e Janisar
Uth Uth Ke Dekhney Lagi Pehlu Se Zulfiqar
Aisa Howa Tha Door e Payamber Mein Pehli Bar
Tha Ibn e Abad e Wod Ka Sitara Zawwal Mein
Rehmat Ko Kainat Ne Dekha Jalal Mein
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Ashab Par Nabi Ki Sawali Nazar Uthi
Iss Qalb Ki Zaban Karey Band Hai Koi
Lekin Wahan Tu Pehle Se Bhar Kar Thi Khamshi
Utha Na Teen Bar Mein Koi Bajuz Ali
Teyar Kaisay Hotey Shahadat Ke Wastay
Kalma Parha Tha Mal e Ghaneemat Ke Wastay
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Aakhir Khuda Ki Marzi Bata Di Rasool Ne
ALLAH Ke Ali Ko Sada Di Rasool Ne
Apna Amama Apni Abba Di Rasool Ne
Pehlu Mein Zulfiqar Saja Di Rasool Ne
Shair e Khuda Jehad Ko Teyar Ho Gaye
Ik Waqt Mein Do Ahmad e Mukhtar Ho Gaye
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Ban Kar Riza Nabi Ki Ali Murtaza Chaley
Tha Hukam Abu Turab Se Pichey Qaza Chaley
Apna Shikar Karne Ko Shair e Khuda Chaley
Kehte Hoye Zaban Se Ya Fatima Chaley
Iss Naam Ke Tofail Jo Chahe Abu Turab
Khandaq Kya Kainat Ulat De Abu Turab
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Main Ibn e Abad e Wod Hoon Pukara Woh Be Khabar
Bolay Imam Hum Abu Talib Ke Hain Pisar
Jari Rajaz Tha Dono Taraf Se Ba Karofar
Oss Simt Kul e Kufar Tha Eman e Kul Idhar
Oss Ne Kaha Keh Lato Hobul Ka Badan Hoon Main
Maula Pukarey Dekh Le Phir But Shikan Hoon Main
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Shair e Khuda Ki Baat Pe Gurraya Be Adab
Bolay Ali Zaban Chalata Hai Be Sabab
Hasrat Nikal Taig Utha Waar Kar Bas Ab
Nikli Jo Zulfiqar Tu Moqa Miley Ga Kab
Main Do Karon Ga Tere Abhi Aik Waar Mein
Dozakh Bharak Rahi Hai Tere Intezar Mein
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Khali Gaya Jo Waar Tu Ghisya Ke Reh Gaya
Tha Azdaha Zameen Pe Bal Kha Ke Reh Gaya
Bekar Waar Ho Gaye Jhonjla Ke Reh Gaya
Chakar Ali Ke Kaat Ke Chakra Ke Reh Gaya
Aakhir Nabi Ka Qaul Tha Sorat Badal Gayi
Sad Ki Tarha Zaban Dahan Se Nikal Gayi
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Uthi Jo Zulfiqar Tu Sab Ki Nazar Phiri
Jibreel Pichey Pichey Phiray Yeh Jidhar Phiri
Ashab Dhondtay Hi Phiray Keh Kidhar Phiri
They Iss Qadar Safai Se Sar Kaat Kar Phiri
Zalim Jahan Khara Tha Wahan Se Hila Nahi
Sar Kab Ka Kat Chuka Hai Badan Ko Pata Nahi
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Jab Kar Chukay Tamam Yeh Qissa Sheh e Najaf
Lashkar Mein Gonja Narah e Takbeer Saf Ba Saf
Bolay Nabi Ali Ko Yeh Hasil Howa Sharf
Sab Ummat e Rasool Ke Amal Ik Taraf
Ta Hashar Farq e Kufar Pe Kari Yeh Zarb Hai
Saqlain Ki Namazon Pe Bhari Yeh Zarb Hai
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya

Sar Amar Ka Rasool Ke Qadmo Mein Jab Rakha
Manzar Nazar Mein Mir Takallum Ki Phir Gaya
Darwaza e Batool Pe Gustakh Jo Howa
Mujh Ko Yaqeen Hai Paye Ga Woh Bhi Yehi Saza
Oss Ko Maza Imam e Zamana Chakhaein Gay
Sar Kaat Kar Batool Ke Qadmo Mein Laein Gay
Ali Ali Ali Ali, Ali Ali Ali Ali
Khandaq Ka Waqiya Hai Ye Khandaq Ka Waqiya