Mir Hasan Mir
Mir Takallum
Ye Khat Mein Shah Ne Likha Habib Aa Jao
Tumhara Dost Hai Tanha Habib Aa Jao
Ye Khat Mein Shah Ne Likha Habib Aa Jao
Shaheed Kaise Howa Wo Batao Ge Aa Kar
Tum Hal e Muslim e Bekas Sunao Ge Aa Kar
Ruqaiya Takti Hai Rasta Habib Aa Jao
Lagao Iss Se Bhi Andaze Meri Ghurbat Ke
Jahan Pe Ibn e Ali Likhna Tha Wahan Main Ne
Diya Hai Maa Ka Hawala Habib Aa Jao
Bata Raha Tha Ose Koi Bhi Nahi Hai Mera
To Bolin Sani e Zahra Habib Aaye Ga
Hai Oss Ko Tum Pe Bharosa Habib Aa Jao
Wo Jab Ye Sunti Hai Kufe Se Aa Rahe Hain Shaqi
To Puchhti Hai Hamara Bhi Aaye Ga Koi
Duaein De Gi Sakina Habib Aa Jao
Gawara Kar Nahi Sakti Hussain Ki Ghairat
Tumhari Zoja Ki Chadar Ko Loot Le Umat
Tum Oss Ko Chhood Ke Kufa Habib Aa Jao
Mujhe Hai Yad Wo Lamha Jo Rab Ki Marzi Se
Tum Ho Ke Zinda Meri Baat Sunne Aaye The
Bula Raha Hon Dobara Habib Aa Jao
Dar e Batool Dobara Jalaya Jaye Ga
Tumhare Dost Pe Khanjar Chalaya Jaye Ga
Nahi Hai Waqt Zyada Habib Aa Jao
Chamakte Chand Ki Hum Ko Bhi Deed Ho Jaye
Tum Aao To Mere Bachon Mein Eid Ho Jaye
Bohat Udas Hai Kunba Habib Aa Jao
Ye Khat Nahi Isse Behno Ki Aarzu Samjho
Hamare Lafzon Ko Zainab Ki Guftgo Samjho
Behan Ye Kehti Hai Bhaiya Habib Aa Jao
Behan Ne Oss Ko Takallum Jo Bhai Samjha Tha
Pukari Sham e Ghareeban Mein Sani e Zahra
Hamara Lutta Hai Parda Habib Aa Jao