Parh Naad E Ali Lyrics - Mesum Abbas

This website is for sale — Interested? Learn more →

Parh Naad E Ali Lyrics - Mesum Abbas

Parh Naad E Ali Lyrics in Urdu

علی جنگل پہاڑ کرتے ہیں ناد نادِعلیؑ
مشکل کو میری حل کرو مشکل کشا علی
نادِعلیؑ پڑھ نادِعلیؑ پڑھ نادِعلیؑ

جس نے لیا ہے نامِ علیؑ اُس کی مُشکل ٹلی
پڑھ نادِعلیؑ، نادِعلیؑ پڑھ نادِعلیؑ

مایوسیاں ہیں کیسی دِل کیوں اُداس ہے
ایک وسیلہ رب کا اپنے جو پاس ہے
اِک مشورہ سُن لے میرا غم نہ ہوگا کوئی
پڑھ نادِعلیؑ، نادِعلیؑ پڑھ نادِعلیؑ

دُنیا کی چاہت اپنے دِل سے نکال دے
دِل مِیں بسا اُسے جو غم تیرے ٹال دے
تیرا نبیؐ اللہ بھی بولے تُجھ سے یہی
پڑھ نادِعلیؑ، نادِعلیؑ پڑھ نادِعلیؑ

میرے مولا،
میری کشی پار لگا دے سوئی تقدیر جگا دے
تیرے عشق مِیں ڈوبا جاؤں ایسی برکھا برسا دے
اپنا میرا تیرے سِوا کوئی نہیں مُشکل کُشاء
مشرق مغرب مکّہ اور نجف بس تُو ہی تُو ہے چار طرف
دَر دَر بھٹکنے والے اِک بات سُن ذرا
نادِعلیؑ سے بہتر کوئی نہیں دوا
ٹالے قضاء بانٹے شفاء اِک دِن تُو بھی کبھی
پڑھ نادِعلیؑ، نادِعلیؑ پڑھ نادِعلیؑ

اِک بات کہہ دوں تُجھ سے کیا تُجھے قبول ہے
نادِعلیؑ کو پڑھنا سُنتِ رسولؐ ہے
قولِ نبیؐ ہے بس یہی بگڑی بن جائے گی
پڑھ نادِعلیؑ، نادِعلیؑ پڑھ نادِعلیؑ

سارے ملنگ لگائیں نعرہ لجپال کا
نوبت بجے تو آئے لُطف دھمال کا
لعل سخی اور بوعلی بولیں سب ہی یہی
پڑھ نادِعلیؑ، نادِعلیؑ پڑھ نادِعلیؑ

نادِعلیؑ سے پہلے نادِعلیؑ کے بعد
ایسا وظیفہ کوئی کیا ہے کسی کو یاد
میدانِ جنگ یا دِل ہو تنگ آئے جو بھی گھڑی
پڑھ نادِعلیؑ، نادِعلیؑ پڑھ نادِعلیؑ

گھر مِیں خُدا کے لوگو جس کا ظہور ہے
کعبے کی دِیواروں کو اُس کا شعور ہے
شق ہو گئی دِیوار بھی سُن کے نامِ علیؑ
پڑھ نادِعلیؑ، نادِعلیؑ پڑھ نادِعلیؑ

زہراؑ کو شوہر علیؑ علیؑ
ہے نفسِ پیمبرؐ علیؑ علیؑ
حسنینؑ کا باباؑ علیؑ علیؑ
مولودِ کعبہ علیؑ علیؑ
بھٹکو تو سہارا علیؑ علیؑ
ڈوبو تو کنارہ علیؑ علیؑ
نبیوں نے پُکارا علیؑ علیؑ
ایمان ہمارا علیؑ علیؑ
طوفان کے رُخ پر بہتا جا
بس حیدرؑ حیدرؑ کہتا جا

جھولے لعل کہنے والے مولاؑ کے سنگ ہیں
میثمؔ کی طرح مظہرؔ علیؑ کے ملنگ ہیں
تا زندگی یہ وِرد بھی ہم نہ بھولیں کبھی
پڑھ نادِعلیؑ، نادِعلیؑ پڑھ نادِعلیؑ