Hogayi Dair Mujhe

Hogayi Ho Jo Kabhi Farz Nibhaane Mai Kami
Jaake Baba Se Shikayat Nahi Karna Meri
Milke Unse Mai Kahoonga Bhi To Kya
Hogayi Dair Mujhe Aane Mai
Sheh Ne Rote Huwe Qasim Se Kaha
Hogayi Dair Mujhe Aane Mai

Baariyan Leke Udu Ghoron Ko Dauraate Rahe
Aur Mai Tujhko Bacha Paya Na Pamaali Se
Tu Sadaaon Pe Sada Deta Raha
Hogayi Dair Mujhe Aane Mai
Sheh Ne Rote Huwe Qasim Se Kaha
Hogayi Dair Mujhe Aane Mai

Kaash Maqtal Mai Jo Kuch Pehle Mai Aya Hota
Aaj Dulha Meri Beti Ka Bhi Zinda Hota
Kaise Kubra Se Kahoonga Mai Bhala
Hogayi Dair Mujhe Aane Mai
Sheh Ne Rote Huwe Qasim Se Kaha
Hogayi Dair Mujhe Aane Mai

Iss Qadar Jism Tera Bikhra Hua Tha Beta
Jabaja Khaak Pe Maqtal Ki Mai Chunta Hi Raha
Phir Bhi Tu Poora Mujhe Mil Na Saka
Hogayi Dair Mujhe Aane Mai
Sheh Ne Rote Huwe Qasim Se Kaha
Hogayi Dair Mujhe Aane Mai

Rakh Ke Ghatri Mai Jo Le Jaaonga Lasha Tera
Maa Jo Pooche Gi Kahan Rehgaya Beta Mera
Kaise Maa Ko Teri Batlaaonga
Hogayi Dair Mujhe Aane Mai
Sheh Ne Rote Huwe Qasim Se Kaha
Hogayi Dair Mujhe Aane Mai

Kaisi Naushah Ki Ghurbat Thi Hilal Aur Mesum
Laash Ke Tukre Tadapte They Zameen Par Peham
Jab Ye Kehte They Shahe Karbobala
Hogayi Dair Mujhe Aane Mai
Sheh Ne Rote Huwe Qasim Se Kaha
Hogayi Dair Mujhe Aane Mai