Farhan Ali Waris
Zill E Raza Zaidi
Abhi Tu Bint e Asad Thin Tawaf e Kaba Mein
Ke Pathron Mein Khushi Se Ajab Hilali Thi
Khuda Ka Shukar Ke Ek Samt Ruk Gayin Warna
Har Aik Samt Se Diwar Phatne Wali Thi
Nafs e Nabi Shair e Khuda Zehra Ka Shohar
Mola Mera Aaqa Mera Saqi e Kausar
Ali Ali Haider
Aa Ke Zameeno Ko Khud Aflak Ne Choma
Baite Khuda Wajd Mein Kuch Our Bhi Jhoma
Bint e Asad Aaein Tu Kabe Mein Bana Dar
Ali Ali Haider
Bint e Asad Kehne Lagin Majrah Hai Kya
Aankh Nahi Kholta Dekhein Mera Bacha
Bole Nabi Bhai Ko Hathon Pe Utha Kar
Ali Ali Haider
Dunya Ko Dekhna Bhi Gawarah Nahi Kiya
Jab Tak Ali Ne Dekha Na Chehra Rasool Ka
Shair e Khuda Na Banta Tu Banta Bhi Our Kya
Bachpan Hi Se Jo Pala Hua Tha Rasool Ka
Ye Bhi Ali Wli Ki Fazila Hai Ik Bari
Jo Hai Ali Ka Shajra Woh Shajra Rasool Ka
Rab Ki Qasam Ali Tu Hai Woh Pehla Naat Khuwaan
Jis Ne Parha Hai Pehla Qasida Rasool Ka
Ali Ali Haider
Nam e Ali Rab Ne Baharon Pe Bhi Likha
Chand Pe Soraj Pe Sitaron Pe Bhi Likha
Naam Yehi Likha Tha Jibreel Ke Par Par
Ali Ali Haider
Han Teri Qismat Bhi Sanwar Jaye Gi Pyare
Dobti Kashti Bhi Ubhar Jaye Gi Pyare
Bola Khuda Nooh Se Tu Wird Yehi Kar
Ali Ali Haider
Jang Ke Maidan Mein Chaleeswan Din Tha
Nad e Ali Parh Ke Nabi Ne Jo Pukara
Aaye Ali Jis Ghari Khaibar Ka Urda Dar
Ali Ali Haider
Yaad Dilata Hoon Tumhein Khum Ka Nazara
Jis Ghar Sarkar Ne Man Kunto Pukara
Kehne Laga Wajd Mein Ashab Ka Lashkar
Ali Ali Haider
Shankh Ki Yeh Goonj Yeh Nobat Ki Sadaein
Sare Zamane Ko Yeh Paigham Sunaein
Narah Lagate The Yeh Shahbaz Qalandar
Ali Ali Haider
Zill E Raza Ho Keh Woh Farhan Ali Ho
Dono Ka Maqsad Hai Biyaan Shan e Ali Ho
Sab Sar e Mehfil Kahein Hathon Ko Utha Kar
Ali Ali Haider
