Farhan Ali Waris
Syed Zill E Saqlain
Har Aik Lamha Har Ik Jaa Ali Ali Bolay
Jo Jitna Pak Hai Utna Ali Ali Bolay
Har Aik Lamha Har Ik Jaa Ali Ali Bolay
Bakol e Meesum e Tamar Shia Woh Hai Ke Jo
Zuba Katay To Ziyada Ali Ali Bolay
Sunai Deta Rahe Ga Jahan Ko Hashar Talak
Nabi Ghadeer Me Itna Ali Ali Bolay
Yeh Keh Ke Rab Ne Parha Arsh Par Ali Ka Nikah
Mein Chahta Hon Ke Zehra Ali Ali Bolay
Kaha Nabi Ne Yeh Mairaaj Me Khuda Ki Qisam
Khuda Jo Bolay To Lehja Ali Ali Bolay
Hai Zulfiqar e Ali Ki Tarhan Se Yeh Bhi Khmosh
Imam Aaien To Kaaba Ali Ali Bolay
Jhukaya Sir Ko Zacha Khana e Ali Ki Taraf
Isi Liye Mera Sajda Ali Ali Bolay
Ik Aisa Nara e Haider Laga Sar e Mehfil
Ke Khud Bhi Wajad Me Mola Ali Ali Bolay
Munafiqon Ki Zuban Par Hai Bughz Ka Tala
Ho Ishq Sacha To Goonga Ali Ali Bolay
Yahan Ke Logon Ka Sadiyon Se Hai Salam Yahi
Tamam Sindh Ka Soobah Ali Ali Bolay
Tamam Zindagi Farhan Ho Ya Ho Saqlain
Ali Ali Hi Suna Ya Ali Ali Bolay











